الركن الروحانى 4 ( العطاء )

بسم الله الرحمن الرحيم والصلاة والسلام على اشرف المرسلين (صلى الله عليه وسلم )

نستكمل باذن الله الجزء المتبقى من الجانب الروحانى الذى بدانا فيه ها  فاكرينه ؟  

-

-

- 

-

 

-

-

 

محدش بيرد

-

-

-

-

- 

ماشى

طيب نفتكر كدة بسرعة مع بعض

   

اتكلمنا عن الحانب الروحانى وكانت اول حاجة فيه هى الحب وقولنا حب الله والرسول (صلى الله عليه وسلم ) 

وحب نفسك والهدايا التى ولدت معك وحب اخواتك وزوجتك وعائلتك واسرتك وحب كل الناس فى الله  

وكانت ثانى حاجة  اتكلمنا عنها هى التسامح المتكامل الغير مشروط وقولنا اسراتيجة لجعل عقلك التحليلى والعاطفى يوافقان على التسامح وقولما ان التسامح دا سمة من سمات الاقوياء

 

وافتكر دايما ان التسامح دا بيكون لمين ؟

ها لمين

-

-

-

-

-

-

محدش بيرد برده

؟

... قولنا لله عزوجل

واتكلمنا شوية عن العقل التحليلى والعقل العاطفى

وكمان استراتيجة لجعل كلا منهم يوافق على التسامح

مش كدة ولا ايه

اتكلمنا ولا متكلمناش .؟!! 

ايوه كدة

ثالث حاجة هنتكلم عليها النهاردة هى

 

ايوه هى دى ...

3- العطاء: 

العطاء الغير مشروط الغير مقترن باى مصالح

 اعطى دون وضع اى شروط

احنا لما بنعيش لنفسنا:

 بنتولد صغيرين..ونعيش صغيرين ونموت صغيرين ..

ولما بنعيش للناس :

عمرنا بيمتد بعمر كل واحد بندخل ع وجه السعادة ..

كل فرد ادخلت عليه سعادة ..بيزيد عمرك يوم ..

وإذا تأملنا في صور العطاء يصعب حصرها أما من أهم بنود العطاء فهو أن تعطى ولا 

تنتظر شكر ولا عرفان بالجميل لأنه كما اتفقنا مسبقا فهو لوجه الله

 اعطى بالشىء اللى انت متميز فيه *

عندك العطاء بالمال ....... اعطى الفقراء ساعد المحتاجين وتوكل على الله حق التوكل ربنا مش هيسبك ابدا وقل الحمد لله دوما

وتذكر :  إن الله في عون العبد ماكان العبد في عون أخيه

فى قصة صغير حصلت احكيها لكم

كان يا مكان فى سالف العصر والاوان وبعدها مش فاكر ايه ؟!

-

-

-

-

-

المهم يعنى

كان فى ولد صغير 

 خرج مع اسرته للتنزه

 و اثناء سيرهم والعصافير تغرد فوقهم والاشجار محيطة بيهم (مكنوش فى الغابة طبعا )

 

 طلب الطفل الصغير من والده ايس كريم 

فذهب الاب لشراء الايس كريم للطفل ( الفاء تدل ع السرعة لان الولد كان زنان) 

واعطاها الاب لابنه وعندما اخذها الطفل ..  تجاه فمه

 سقطت من يده ( ابوه كان رايح غصبن عنه شكله) المهم اتجمعت عليها العصافيروالطيور اللى فى السماء.. وكانت هذه وجبة الغداء بالنسبة لهم وكلوها من الولد

هم هم هم

  

السؤال بقى هل الاب هيشترى لابنه واحدة تانية غير اللى وقعت ولا لاء ؟

 وهل الولد هيسكت على اللى حصل دا ؟!

المهم توكل على الله زى الطيور دى واعمل اللى عليك وربنا مش هيسيبك

(لو توكلتم على الله حق توكله لرزقكم كما يرزق الطير تغدو خماصا وتعود بطانا) 

.

*عندك العطاء بالوقت 

ما تبخل بوقتك على حد محتاجه

انك تروح تزور اقاربك اصدقاءك .. ما تبخل على حد محتاج تقعد معه تعلمه شىء .. 

تحل له مشكلة .. تنصحة ..وغيره وغيره

فمن لم يعطى من قبل فانه لم يذوق لذة وسعادة في حياته من قبل

* العطاء بمعلوماتك وبمهاراتك

اعطى بالشىء اللى انت مميز ساعد الاخرين حتى ولو بكلمة طيبة تعطى الشخص اللى قدمك

الامل والتفاؤل والسعادة اعطى ولو بابتسامة فى وجه اخيك واجعلها عادة فى يومك انك تساعد الاخرين وتسال عليهم ولو حتى

بمكالمة تليفون

افتكر

 انك بتصنع حياتك من عطائك

استشعر لذة العطاء..لذة فعلا مش هتشغر بيها الا لما تجربها ..

فالعطاءيعطى لحياتك معنى

اوعى تعيش لنفسك وتنسى الناس حوليك

ساعد من حولك لا تعيش فقط لذاتك

مقوله لاستاذ عمرو خالد :

((عندما نعيش لأنفسنا نولد صغاراً ونعيش صغاراً ونموت صغاراً وعندما نعيش للناس تمتد أعمارنا بعمر كل إنسان أدخلنا السعادة على قلبه))

وعن النبي صلى الله عليه وسلم قال : { مثل المؤمنين في توادهم وتراحمهم وتعاطفهم مثل الجسد إذا اشتكى شيئا تداعى له سائر الجسد بالسهر والحمى } 

فيديو جميل جدا عن العطاء شوفه لاخره

*************

قال تعالى 

بسم الله الرحمن الرحيم  

{لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ وَمَا تُنْفِقُوا مِنْ شَيْءٍ فَإِنَّ اللَّهَ بِهِ عَلِيمٌ}

****************** 

وبكدة يكون خلص الجانب الروحانى اللى هو اول ركن فى الاركان السبعة

 وان شاء الله المرة الجاية هنتكلم فى الجانب الصحى

 وبحبكم كلكم فى الله 

اللهم علمنا ما ينفعنا وانفعنا بما علمتنا